હૈયાની વાત હોઠને નહીં ફાવી,
હોઠની વાત હૈયાને નહીં ફાવી.

આંખો તો ઘડીકમાં માની ગઈ,
શાલીનતા આંસુને નહીં ફાવી.

મળતે જો નજર તો વાત થઈ જતે,
અરજીઓ રસનાને* નહીં ફાવી.

બીડાઈ જાત હાથ પણ અદબમાં,
દુરીઓ ટેરવાં ને નહીં ફાવી.

દેકારા થયાં હશે છૂટવાના,
જોહુકમી પડદાને# નહીં ફાવી.

વર્ષો પછી તો માંડ મળ્યા’તા,
ખુષ્કી** હોઠોને નહીં ફાવી.

જામીન આપવાની “કાચબા”,
ઘમકી હૈયાને નહીં ફાવી.

– ૦૭/૦૧/૨૦૨૨

*રસના – જીભ, #કાનનો પડદો, **ખુષ્ક – સૂકી ચામડી ( સૂકા વાતાવરણમાં ચામડી સુકાઈ જવી તે)