રેખાઓમાં ઓછું પડ્યું, તે છૂંદણાંમાં ત્રોફાવ્યું છે,
આંખો વચ્ચે, સ્હેજ ઉપર, ટપકું એક મુકાવ્યું છે,

રંગબેરંગી સપનાઓનું ચૂરણ એક કસુંબી રંગનું,
ટપકાં ઉપર સેંથા વચ્ચે તારે હાથે ભરાવ્યું છે.

ભરાય ગયલી જગ્યા દિલમાં, એકજ તારા નામથી,
નામ તારું, તોય હોઠ પર, તારે હોઠે લખાવ્યું છે.

દીધું લૂંટાવી સર્વસ્વ, ને જાહેર કીધી નાદારી,
આલિંગન નું દેવું, સામું, ચુંબન દઈન્ ચુકાવ્યું છે.

ચિત્રાવ્યું’તું રેખાઓ પર, લાલ અક્ષરે ટાંચીને,
વચન મેં “કાચબા” ભરીને હૈયે, રગરગમાં ફેરાવ્યુ છે.

– ૦૧/૦૮/૨૦૨૧