રંગપરિવર્તન

You are currently viewing રંગપરિવર્તન

મિજાજ તમારો ક્યારે ફરી જાય, નક્કી નહીં,
તિરાડ સંબંધમાં ક્યારે પડી જાય, નક્કી નહીં.

વાટ જોતાં ઉભા રહો અમારી, અનિમેષ નજરે,
બારણેથી જાકારો ક્યારે મળી જાય, નક્કી નહીં.

શબ્દો તમારા ખૂટે નહીં અમારી પ્રશંશા કરતાં,
મીઠાઈમાં મીઠું ક્યારે ભળી જાય, નક્કી નહીં.

હેત તમારું ઉભરાય ત્યારે તો જોવાનું જ શું?
ઠંડીમાં પારો ક્યારે ચઢી જાય, નક્કી નહીં.

કલાકો સુધી દોર ચાલે તમારી મીઠી વાતોનો,
ખભેથી હાથ ક્યારે ખસી જાય, નક્કી નહીં.

લાલી હોય તમારા ગાલે જયારે સાથે હોઈએ,
ચેહરાનો રંગ ક્યારે ઉડી જાય, નક્કી નહીં.

વેશ ધર્યો “કાચબા”નો પણ સ્પર્ધા કોની સાથે?
માત કાચીંડાને ક્યારે મળી જાય, નક્કી નહીં. … મિજાજ૦

– ૦૨/૧૨/૨૦૨૧

[એનાં મિજાજનું તો શું કહેવું? ક્યારે ફરી જાય, કંઈ નક્કી નહીં. થોડીવાર પહેલાં પ્રેમથી હસીને વાત કરતો હોય ને બીજી જ ઘડીએ ગુસ્સામાં આવીને મારવા માંડે. ઘડીકમાં લાલ ને ઘડીકમાં પીળો, એટલો ઝડપથી “રંગપરિવર્તન” કરી લે કે કાચીંડો પણ શરમાઈ જાય….]

આ કવિતા ને મિત્રો સાથે શેર કરો
4.4 7 votes
રેટિંગ
guest
4 પ્રતિભાવો
Inline Feedbacks
View all comments
Ishwar panchal
Ishwar panchal
25-Jan-22 8:19 pm

માત કાચિદાને ક્યારે ….રંગ બદલવામાં મનુષ્ય આટલો આગળ છે,ગજબ નું વિસ્લેસણ.
.

Rohan Tailor
Rohan Tailor
25-Jan-22 9:23 am

Good he

Sandipsinh Gohil
Sandipsinh Gohil
25-Jan-22 8:33 am

Khub Saras Rachna

રાકેશ પટેલ
રાકેશ પટેલ
25-Jan-22 8:00 am

બેહદ ખૂબસૂરત અને અદ્ભૂત રચના
અને એકદમ જ સાચી છે. ❤️👏❤️