સંજોગનાં હાથે વિવશ

You are currently viewing સંજોગનાં હાથે વિવશ

ઈચ્છાઓ અધૂરી, રહી જાય છે, શું કરીએ?
દાયિત્વો દૂર, લઈ જાય છે, શું કરીએ?
વારંવારની ઉપેક્ષાઓથી અક્ળાયા છે,
અરમાનો કોહ્યલું કહી જાય છે, શું કરીએ?

જુસ્સો, બધ્ધો જ, ઠરી જાય છે, શું કરીએ?
વાયદો, નવ્વો જ, મળી જાય છે, શું કરીએ?
નિઃસહાય છે ઓરતાં, જવાબદારીઓ સામે,
શૂરા બોલ્યા ફરી જાય છે, શું કરીએ?

નાં કરવાનું થઈ જાય છે, શું કરીએ?
મોકા થાપ દઈ જાય છે, શું કરીએ?
અનુકૂળ સમયની રાહ જોવામાં “કાચબા”,
આયખું આખું જ વહી જાય છે, શું કરીએ?

– ૨૧/૦૮/૨૦૨૧

આ કવિતા ને મિત્રો સાથે શેર કરો
5 1 vote
રેટિંગ
guest
4 પ્રતિભાવો
Inline Feedbacks
View all comments
Kirti rathod
Kirti rathod
01-Nov-21 9:32 pm

વાહ અદભુત રચના હર વખતની જેમ સુંદર અને સમજણ ભરી ગઝલ
સમય અને સંજોગો ના હાથે મજબુર થઈ જવાય છે સમય આવે તો બધું ચાલી જાય છે 👌👌👌👌👌👌🙏🙏🙏✍️✍️✍️🌹🌹🌹❣️

Nita anand
Nita anand
01-Nov-21 4:08 pm

વાહ ખુબ જ હ્દય સ્પર્શી ને અર્થસભર અભિવ્યક્તિ
👌👌👌👌👌

Ishwar panchal
Ishwar panchal
27-Oct-21 7:16 pm

ખૂબ સરસ રચના.જિંદગી ની સચ્ચાઈ ખૂબ સારી રીતે
રજૂ કરી છે.

દરજી મનિષ કુમાર ભીખુભાઈ "મિત્ર"
દરજી મનિષ કુમાર ભીખુભાઈ "મિત્ર"
27-Oct-21 2:05 pm

વાહ વાહ વાહ…. અંતરમનની ગડમથલ ને વ્યથાને સુંદર રદયસ્પર્સી પંક્તિઓ દ્વારા અભિવ્યક્ત કરી… હાર્દિક ધન્યવાદ 🙏