સમાજ, વ્યવસ્થા અને વિચારસરણી પર હળવો કટાક્ષ કરતી કવિતાઓ
ઘસ્યા કરીને લોઢાનું કંચન કરાય નહીં,માખણ કરીને છાશનું મંથન કરાય નહીં. થોડા સમયમાં પથરો,પણ લીસ્સો થઈ શકે, પણ-ઘસ્યા કરીને લીમડાનું ચંદન કરાય નહીં. સ્મિત જેટલું સુંદર, નહીં હોય ઘરેણું કોઈ,ખાડો કરીને ચેહરા પર ખંજન કરાય નહીં. હાથ હવામાં મારો તો થોડી ઘણી ખસે, પણ-મુઠ્ઠી ભરી હવાનું કદી બંધન કરાય નહીં. સત્યને ખાતર લડવું, આમ તો ધરમ કહે છે,પણ…
રમત રમતમાં ખેલ કરી જાય છે લોકો,લાગણીઓ સાથે રમી જાય છે લોકો. ઉમળકા સાથે રોજ આવીને ભેટે, ને-હાથમાંથી અચાનક સરી જાય છે લોકો. ભીડ ચીરીને કોઈ ઉતરી જાય મનમાં,નીકળીને ભીડમાં ભળી જાય છે લોકો. મીઠેરો સાદ દઈ દોડાવે અંધારે,ગોઠવીને છટકું પુરી જાય છે લોકો. વર્ષોના વાયદે કરાવે સહાયતા પણ-પહેલાં જ પોકારે ફરી જાય છે લોકો. આંખો ઢાંકીને જાણે…
થોડી શરમ જો રાખી હોત,સંબંધમાં કંઈક તો બાકી હોત, વાત રહી જાત દીવાલોમાં,તુમાખી જો તેં ત્યાગી હોત. ભૂલ તારી તું સમજી જાત,વગર માંગે પણ માફી હોત. લાજ રહી જાત બે આંખોની,મળેતો ભલેને ત્રાંસી હોત. તુંય ફાવત નહીં જો કાશ-અમે શીખી ચાલાકી હોત. અસહ્ય થાય છે વિશ્વાસઘાત,નહીંતર કોણ એકાકી હોત. માયાળું હોત ન "કાચબા" તો,દુનિયા આખી વૈરાગી હોત. -…
ભજન કરવા એક ભગવાન જોઈએ છે,કહ્યાગરો હોય એવો ગુણવાન જોઈએ છે. ક્ષણની જ મોહલત પર, સાદ પડે એટલે-સજ્જ થઈ આવે'એવો વેગવાન જોઈએ છે. પથ્થરો બહું મોટાં પડ્યા નસીબમાં,ઊંચકીને ફેંકે'એવો બળવાન જોઈએ છે. માંગવાની રોજ મને આદત પડી છે,સ્વભાવે ઉદાર અને ધનવાન જોઈએ છે. વેદોની ભાષા પણ અઘરી ઉકેલવી-આત્મસાત કરાવડાવે, વિદ્વાન જોઈએ છે. કુવિચારો નિરાશા ને આપે તિલાંજલિ,નવી દિશા…
એવો કેવો હિસાબ કરે,કાલનો સરભર આજ કરે,અહીંનું અહીંયા પૂરું થાશે,એવો શું કામ પ્રલાપ કરે. ધોઈ ધોઈને કેટલું ધોવું,કેટલાં કોઈ જાપ કરે?પાછલાં ભાવનું કોણે જોયું,આ ભવ માત્ર વિલાપ કરે. ભેગું કરવા દેતો નથી કંઈ,છેલ્લે સઘળું રાખ કરે,સાંજ સુધી તો બળ્યા કર્યા,ક્યારે ઓછો તાપ કરે? બોધ નથી ને પૂર્વ કર્મોનો,શેનો પશ્ચાતાપ કરે?આત્મા કકળે એટલો "કાચબા",કોઈને કેમ સંતાપ કરે? - ૩૦/૦૩/૨૦૨૧…
કે'તાં તો આવે એ કહી દેવાય,શબ્દોને પાછા પણ નહીં લેવાય. ગુંજે છે ચિરકાળ અનંતમાં,સ્વરો સ્વરપેટીથી જે રેલાય. શીતળ તો એવો કે હીમખંડ,ધારદાર કેવો આતમ ઘવાય. વિફરે તો ઊભા કરે ઘમાસાણ,ઠારે તો મેલાં મનનાં ધોવાય. ધારે તો છેદી શકાય સૂર્યને,ડુંગરને અડકી પાછા અવાય. કંપન કોઈ સ્પર્શી જાય હાર્દને,લીન થઈ નાદે તન-મન દોલાય. ઉર્જા બ્રહ્માંડની પંચાક્ષરે,ૐ જપો "કાચબા"નમો શિવાય. -…