પ્રેમ માં ઝૂરતાં અને વિરહ અગ્નિમાં બળતાં પાત્રોની હૈયાવરાળ ઠાલવતી કવિતાઓ

કોરે કોરા

  • Post published:19-Aug-21

વાદળમાં તારાં જેવી ભીનાશ ક્યાં?
માટીમાં તારાં જેવી સુવાસ ક્યાં?

ચાતકમાં તારાં જેવી પોકાર ક્યાં?
મોરલામાં તારાં જેવી ટહુકાર ક્યાં?

ગડગડાટમાં તારાં જેવો હુંકાર ક્યાં?
વિજળીમાં તારાં જેવો ચમકાર ક્યાં?

સાંબેલામાં તારાં જેવી ધાર ક્યાં?
ધોધવામાં તારાં જેવો માર ક્યાં?

ગુંદામાં તારાં જેવી ચીકાશ ક્યાં?
આબલીમાં તારા જેવી ખટાશ ક્યાં?

ચાયમાં તારાં જેવી ગરમાશ ક્યાં?
ભજીયાંમાં તારાં જેવી નરમાશ ક્યાં?

હરિયાળીમાં તારાં જેવી લીલાશ ક્યાં?
ઈંદ્રધનુષમાં તારાં જેવી લાલાશ ક્યાં?

તારાં વગરનુ “કાચબા”, ચોમાસુ ફક્ત એક ઋતુ.
ઉતરી જાય જે સ્પર્શીને, તારાં જેવો એહસાસ ક્યાં?

– ૨૩/૦૬/૨૦૨૧

આ કવિતાને મિત્રો સાથે શેર કરો
Continue Readingકોરે કોરા

કેમ પોસાય?

  • Post published:18-Aug-21

તું રીસાય, એ કેમ પોસાય?
બેવ પીસાય, એ કેમ પોસાય?

સંવાદ ટેરવાંઓ બંધ કરી દે,
હોઠ બિડાય, એ કેમ પોસાય?

ઉભરા અંતરના ઉંડાણથી આવે,
હૈયાં રીબાય, એ કેમ પોસાય?

ભાર છાતી પર લાગતો કેટલો,
શ્વાસ રૂંધાય, એ કેમ પોસાય?

ગાલોની લાલી આંખોમાં ઉતરે,
જીવ કપાય, તે કેમ પોસાય?

પડખુ ફરું તો, બાજુની જગ્યા,
ખાલી દેખાય, તે કેમ પોસાય?

પ્રેમ કહાણી “કાચબા”ની એમાં,
દર્દ લખાય, તે કેમ પોસાય?

– ૨૨/૦૬/૨૦૨૧

આ કવિતાને મિત્રો સાથે શેર કરો
Continue Readingકેમ પોસાય?

તને ઠીક લાગે એમ

  • Post published:31-Jul-21

તું આવે કે ના આવે, બસ,
યાદ આવે તો ચાલશે,

તું આવેને, એ પહેલાં કે,
બાદ આવે તો ચાલશે,

મારાં કાને એકજ તારો,
સાદ આવે તો ચાલશે,

સવારથી લઇને સાંજ સુધી, એ
નાદ આવે તો ચાલશે,

તારા મોઢે મારી કો’,
ફર્યાદ આવે તો ચાલશે,

પેટ ભરીને નહીં જોઈએ,
પરસાદ આવે તો ચાલશે,

બહુ ઝાઝાંની માંગ નથી,
એકાદ આવે તો ચાલશે,

“વાહ વાહ “કાચબા” ગજબ કલમ છે”,
દાદ આવે તો ચાલશે,

– ૦૯/૦૬/૨૦૨૧

આ કવિતાને મિત્રો સાથે શેર કરો
Continue Readingતને ઠીક લાગે એમ

અશક્ય

  • Post published:23-Jul-21

છે ભરોસો એટલો, ભૂલી નહીં શકો,
રહી શકો ભલે તમે, કહી નહીં શકો.
એ રીતે કરી જઈશ, પ્રહાર મારાં પ્રેમનો,
હસી નહીં શકો તમે, રડી નહીં શકો.

ખોટ મારા સ્નેહની, ભરી નહીં શકો,
ડૂબી ગયા તમે હવે, તરી નહીં શકો,
ચાલી ગયા છો એટલાં, સુદુર રસ્તે નેહના,
વળી નહીં શકો કશું, કરી નહીં શકો.

હાથે લખેલાં નામને, ભૂંસી નહીં શકો,
ઘસી નહીં શકો એને, લૂંછી નહીં શકો,
ફસી ગયા છો જાળમાં, અજાણતાં એવી રીતે,
તોડી નહીં શકો એને, છોડી નહીં શકો.

પીગળી ગયાં પછી, ઠરી નહીં શકો,
ખાલી થયેલા હાથને, ભરી નહીં શકો,
આવી ગયા છો એટલાં, નજીક મારાં હોઠ થી,
ના જઈશ તું “કાચબા”, કહી નહીં શકો.

– ૦૪/૦૬/૨૦૨૧

આ કવિતાને મિત્રો સાથે શેર કરો
Continue Readingઅશક્ય

નખરાં

  • Post published:17-Jul-21

ઓળખતો જ ન હોય, એવો વ્યવહાર ના કર મારી સાથે,
કદી જોયો જ ન હોય,એવો ઉદગાર ન કર મારી સાથે,

ફરીથી જાણે કે, કદી મળવાનો જ નથી જીવનમાં,
એ રીતે અમસ્તી વાતે, તકરાર ના કર મારી સાથે,

બળજબરીથી જાણે કે, કશું વેચવા આવ્યો હોઉં,
વર્તન એવું તોછડું, ધરાર ના કર મારી સાથે,

ઔપચારિકતા અને અવિશ્વાસ ક્યાંથી આવ્યા આપણાં વચ્ચે,
ખોટે ખોટા કોઈ પણ, સંધી કરાર ના‌ કર મારી સાથે,

કકળી ઉઠે છે હૈયું મારું, જ્યારે પણ એ વિચાર કરું,
દલીલો નાસી છૂટવાને, તેજ-તરરાર ના કર મારી સાથે,

થાકી જઈશ મથી મથીને, તો પણ છૂટી શકીશ નહીં,
પ્રયત્નો મારાથી દૂર જવાના, બેકાર ના કર મારી સાથે,

સાંભળી લેજે ધ્યાનથી “કાચબા”, નહીંતર હું ભટકતો જ રહીશ,
ઉછળતાં કુદતાં સગપણના, અંતિમ સંસ્કાર નાં કર મારી સાથે.

ઓળખતો જ ન હોય…

– ૩૦/૦૫/૨૦૨૧

આ કવિતાને મિત્રો સાથે શેર કરો
Continue Readingનખરાં