જાત અનુભવ

You are currently viewing જાત અનુભવ

મોકો જો મુર્તિ થવાનો મળે,
પડદાની પાછળ જવાનો મળે,

ઝડપી જ લઈએ ના સંકોચ કરીએ,
આ લ્હાવો ઘણાને મુઆ* નો મળે,

ચૂપચાપ બેસીને જોયાં જ કરીએ,
ખેલ પછી કેવો જોવાનો મળે,

એક પછી એક એવાં આવે નમૂનાઓ,
શ્વાસ પછી જરીએ લેવા, નો મળે,

કોઈ વાર મળી જાયે નાહક વધામણાં, ને-
ઘુંટ કદી કડવો પીવાનો મળે,

મોં જોઈને ફેરવી લે મોઢું પણ કોઈ’દી, ને-
લાભ કો’દી, ભક્તિ, સેવાનો મળે,

જીવી લે પથ્થરને નજદીકથી “કાચબા”,
ફર્યાદ ક્યારેય કરતો જોવા, નો મળે.

– ૧૩/૦૯/૨૦૨૧

*મુઆ (નો મળે) – મરી જાવ તો પણ (નહીં મળે)

આ કવિતા ને મિત્રો સાથે શેર કરો
0 0 votes
રેટિંગ
guest
4 પ્રતિભાવો
Inline Feedbacks
View all comments
Nita anand
Nita anand
21-Nov-21 4:13 pm

વાહ ખુબ જ સુંદર ને અર્થસભર રચના
👌👌👌👌👌

યક્ષિતા પટેલ
યક્ષિતા પટેલ
12-Nov-21 5:50 pm

શું જબરદસ્ત વાત કહી નાંખી…જબરું…👏👏👏👏👏🙏

Ishwar panchal
Ishwar panchal
11-Nov-21 7:36 pm

ભગવાનને પણ ખુશી થઈ જશે ,કે મારી વિટંબણા
કવિએ લોકો સુધી પહોંચાડી.

મનોજ
મનોજ
11-Nov-21 9:42 am

ઈશ્વર ને એકવાર નજીકથી જોઈ લે, વાહ વાહ…. ખુબ સુંદર… ઈશ્વરની સમસ્યાને જાણે કે વાચા આપી તમે…