આજે હતું એ કાલે કદાચ નહીં હોય,
સંધિ નસીબ સાથે કદાચ નહીં હોય.

કોને ખબર કે ક્યારે હિસાબ થાશે!
કર્મોની ઢાલ આડે કદાચ નહીં હોય.

મહેનત કરીને થાકીને બેસો ત્યારે,
વડલાની છાંય માથે કદાચ નહીં હોય.

ચોક્કસ બનાવો બંગલે એનો ઝરૂખો,
કોયલ પછી એ ડાળે કદાચ નહીં હોય,

ચાકર હશે મહેલમાં ઘણાં પરંતુ,
પ્રેમાળ દોસ્ત પાસે કદાચ નહીં હોય.

લઈને હજાર હાથો ઉભો હો સામે,
દિવ્ય નજર આ આંખે કદાચ નહીં હોય.

જે કંઈ મળ્યું એ એની પરમ કૃપા છે,
બાકીનું મારી માટે કદાચ નહીં હોય.

– ૧૪/૧૦/૨૦૨૩