વાદળ સૂર્યને ઢાંકી શકે પણ ઠારી ના શકે,માયા સતને પ્રતાડી શકે પણ મારી ના શકે. ધસમસતો એ પ્રવાહ, ઉર્જા પ્રચંડ બનશે,બાંધ નદીને રોકી શકે પણ વાળી ના શકે. ટોળે વળે તોયે એટલું સાહસ ના મળે,હાવજ* હાથી ઘેરી શકે પણ ફાડી ના શકે. બહાર નીકળશે તો વધારે ધારદાર થઈને,ભઠ્ઠી લોઢું ઉકાળી શકે પણ બાળી ના શકે. વધી વધીને કેટલાં…

વિચારોને જયારે તાળા લાગે,આંખોની સામે અંધારા લાગે. થીજવી દે પળમાં ચંચળતમ મનને,ભરડામાં લેતાં ફૂંફાડા લાગે. દીવા જડે નહીં મારગ પ્રકાશવા,ઘેરાતાં વાદળિયાં કાળા લાગે. આંખે ને હાથે બાંધીને પાટા,આમંત્રણ દેતા અખાડા લાગે. થંભી જાય પગલાં ભયભીત થઈને,દશે દિશાએ કુંડાળા લાગે. જંગલમાં બાંધીને ફરતે વરુઓ-મૂકી દીધા હોય ઉઘાડા લાગે. અકળાવે "કાચબા" વિચારશૂન્યતા,ખોપરીમાં પડ્યા હોય ખાડા લાગે. - ૨૯/૦૩/૨૦૨૨ [કોઈ વાર…