ગંતવ્ય

You are currently viewing ગંતવ્ય

ગમે તેમ કરી મન મનાવવાનું છે,
આખરે તો બધાને જ અહીં આવવાનું છે.

બધા આવશે પણ હું એટલો જલ્દી આવું નહીં,
રેકર્ડ એકજ તારે કાયમ ચલાવવાનું છે!!??

આજે નહીં ને કાલે તો આવી જ જશે સમજો,
તેડું એનું નક્કી જ તારે આવવાનું છે.

ગમતું ગમતું બધુજ પાછું છોડી દેવાનું,
અણગમતુંજ સાથે લઈને આવવાનું છે.

જેના વગર નહીં જવાના વચનો આપ્યાં હશે,
એ લોકોના જ ખભે ચઢીને આવવાનું છે.

રાચરચીલું સુંદર જેટલું સજાવ્યું ઘરમાં હેતે,
ખોળિયા સાથે એજ તો બધું સળગાવવાનું છે.

દીવડો એ સળગયા કરશે તેલ વગર નિરંતર,
સત્ય એટલુંજ “કાચબા” તારે પચાવવાનું છે.

– ૧૩/૧૨/૨૦૨૧

[કોઈ ગમે તેટલી આનાકાની કરે, ગમે તેટલાં ધમપછાડા કરે પણ છેલ્લે તો નાછૂટકે જવું જ પડે છે. રસ્તા ભલે અલગ અલગ હોઈ શકે, પણ તમારું, મારું, બધાનું જ એક જ “ગંતવ્ય” છે. બધાને આખરે તો એક જ જગ્યાએ જવાનું છે, એક જ જગ્યાએ મળવાનું છે….]

આ કવિતા ને મિત્રો સાથે શેર કરો
5 2 votes
રેટિંગ
guest
2 પ્રતિભાવો
Inline Feedbacks
View all comments
Ishwar panchal
Ishwar panchal
05-Feb-22 8:44 pm

ખુબ વિચારશીલ રચના.

Sandipsinh Gohil
Sandipsinh Gohil
05-Feb-22 9:20 am

Heart touching n Eye Opener for today’s reality