ઝરમર ને ધોધમાર, તો મનનાં વ્હેમ છે,
આ વધારે ને ઓછાનો ઝઘડો કેમ છે?
ઉતાર-ચઢાવ ને વધ-ઘટ, તો ચાલ્યા કરે સબંધમાં,
એકધારો વરસે છે ને, એ જ પ્રેમ છે.
વાદળ એનું કામ કરે છે, વરસી જવાનું,
ધરતી એનું કામ કરે છે, તરસી થવાનું,
હૈયાને તો જોઈએ ઊની ભીનાશ માત્ર,
એ એક જ ક્રમ, વર્ષોથી, જેમનો તેમ છે.
તપીને પણ દિએ, એ ધરતીનો પ્રેમ છે,
ખાલી થઈનેય ઠારે, એ વાદળનો પ્રેમ છે,
કેવાં ચુપચાપ આપ-લે કરે છે “કાચબા”,
જો બંને વખતનું પાણી, હેમનું હેમ છે.
– ૨૧/૦૮/૨૦૨૧
ભાવપૂર્ણ શૈલીમાં લખાયેલી અદભુત રચના
👌👌👌👌👌
સાચી વાત છે લાગણીને બસ લાગણી જ જોઈએ.એમા કંઈ વધારે ઓછું ન હોય વરસોનાં વરસો વિતી જાય તો પણ એ અકબંધ રહે છે.હૈયુ એક હૈયા ને ઓળખી જાય પછી કશી અપેક્ષા ન રહે👌👌👌👌👌👌👌👌👌👌👌👌✍️✍️✍️✍️✍️✍️✍️✍️✍️🌷🌹💐
એક ધારો વરસે છે ને, એજ પ્રેમ છે… સુપર્બ પંક્તિ 👌👌👌
વાહ વાહ વાહ…. હ્રદય પુંજ ને પુલકિત કરતી ભાવપૂર્ણ શૈલીમાં લખાયેલી સુંદર કૃતિ…. હાર્દિક ધન્યવાદ 🙏
ખૂબ ઊંચી ભાવનાત્મક કવિતા,તમારી શબ્દો,પંક્તિ
સજાવાની કરા ગજબની છે.
વાહ અદભૂત
Mast