લાયક ન’તો

You are currently viewing લાયક ન’તો

સમસ્યા માત્ર એટલી હતી, તમને મારાં કરવામાં,
ધ્યાન મારું લાગ્યું જ નહીં ક્યારેય, માળા કરવામાં,

જાત ઘસીને તમે,ખોળિયું ઉજળું કરી આપ્યું,
હું વ્યસ્ત રહ્યો ફક્ત, કામો કાળા કરવામાં,

સાદગી અને સંયમને, ચઢાવીને ખોરંભે,
હાંસિલ કરી મહારથ, મેં, ખોંખારા કરવામાં,

ખબર ના પડી કાંટાની, પાછળ ચાલીને,
કેટલા ખૂંપ્યા તમને, રસ્તા સુંવાળાં કરવામાં,

પ્રતીક્ષા હશે તમને, કે કોઈ, વ્હાલથી ઉપાડી લે,
હું મજા લેતો રહ્યો બસ, અટકચાળા કરવામાં,

તમે ઓજસ્વી સૂર્ય, નાહક ઘસી રહ્યાં માથું,
પથ્થર સાથે, અંતરને અજવાળા કરવામાં,

હું દરિયાનો “કાચબો”, ને તમે નદીની મીન,
જીવતર બેવ ખપી જાત, ખાબોચિયાં ખારાં કરવામાં…

સમસ્યા એટલીજ હતી, તમને મારા કરવામાં…

– ૧૬/૦૮/૨૦૨૧

આ કવિતા ને મિત્રો સાથે શેર કરો
5 1 vote
રેટિંગ
guest
3 પ્રતિભાવો
Inline Feedbacks
View all comments
Kanaiya Patel "Radhe"
Kanaiya Patel "Radhe"
22-Oct-21 9:24 am

vahhhh ! Ati adbhut

Ishwar panchal
Ishwar panchal
21-Oct-21 9:03 pm

ખૂબ સરસ રચના.

Kunvariya priyanka
Kunvariya priyanka
21-Oct-21 9:00 pm

Suppper
Mast