મંદિરમાં પણ પુરી દેવાની સજા હોવી જોઈએ,
આંખ ખુલે તો જ છૂટવાની રજા હોવી જોઈએ.
કઈ રીતે ચાલે ખટલો અંદરના દરબારમાં,
બહાર બેસી જોતી એને પ્રજા હોવી જોઈએ.
વાદી-પ્રતિવાદી સૌને તક મળે બોલવાની,
ફરિયાદ સૌની પત્યા પછી જ પૂજા હોવી જોઈએ.
પારદર્શક પ્રક્રિયાનો વિશ્વાસ પ્રજાને થાય, સાચો-
ન્યાય મળે તો જ માથે ધજા હોવી જોઈએ.
કંપી ઉઠે કાળજું સૌનું જોઈ દુર્દશા દોષીની,
ચુકાદામાં પ્રચંડ એટલી ઉર્જા હોવી જોઈએ.
વ્યવસ્થા જળવાઈ રહે એ “કાચબા” તારે જોવાનું,
નિષ્ફળ થાય તો આંખમાં તારી લજ્જા હોવી જોઈએ. … મંદિરમાં૦
– ૩૧/૦૧/૨૦૨૨
દરેક બુદ્ધિજીવી સત્ય ને સમજે છે,
એટલેજ તમારી કવિતાના ચાહક છે.
વાહ